వరంగల్‌లో భారీ అగ్నిప్రమాదం: ప్లాస్టిక్ స్క్రాప్ గోడౌన్ పూర్తిగా దహనం...

-

వరంగల్: నగరంలో ఆదివారం ఘోర అగ్నిప్రమాదం సంభవించింది. గ్రేటర్ వరంగల్ మున్సిపల్ కార్పొరేషన్ (GWMC) పరిధిలోని 14వ డివిజన్‌లో ఉన్న ఒక ప్లాస్టిక్ స్క్రాప్ గోడౌన్‌లో ఒక్కసారిగా భారీగా మంటలు చెలరేగాయి.
స్థానికులు తెలిపిన వివరాల ప్రకారం.. ఏనుమాముల మార్కెట్ యాడ్‌కు దగ్గర్లో,  ఉన్న 'సాయి ప్లాస్టిక్ స్క్రాప్ గోడౌన్' లో ఈ ప్రమాదం జరిగింది. గోడౌన్‌లో టన్నుల కొద్దీ ప్లాస్టిక్ వ్యర్థాలు, స్క్రాప్ మెటీరియల్ నిల్వ ఉండటంతో మంటలు క్షణాల వ్యవధిలోనే ఉవ్వెత్తున ఎగసిపడ్డాయి. ప్రమాద తీవ్రతకు దట్టమైన నల్లటి పొగలు ఆకాశాన్ని కమ్మేయడంతో చుట్టుపక్కల కాలనీల ప్రజలు తీవ్ర భయాందోళనకు గురై ఇళ్ల నుంచి బయటకు పరుగులు తీశారు.
సమాచారం అందుకున్న వెంటనే అగ్నిమాపక సిబ్బంది సంఘటనా స్థలానికి చేరుకున్నారు. పలు ఫైర్ ఇంజన్ల సహాయంతో మంటలను అదుపు చేసేందుకు తీవ్రంగా శ్రమిస్తున్నారు. ప్రమాదం జరిగిన సమయంలో గోడౌన్ లోపల ఎవరైనా ఉన్నారా లేదా అనే విషయాలపై ఇంకా స్పష్టత రాలేదు. షార్ట్ సర్క్యూట్ కారణంగానే ఈ ప్రమాదం జరిగి ఉండవచ్చని ప్రాథమికంగా అనుమానిస్తున్నారు. ఈ ఘటనపై పోలీసులు కేసు నమోదు చేసి, ప్రమాదానికి గల ఖచ్చితమైన కారణాలు మరియు ఆస్తి నష్టం వివరాలపై దర్యాప్తు ప్రారంభించారు.
WhatsApp Share

మరిన్ని వార్తలు...

గుండ్లసింగారం చైతన్య కాలనీలో ఘనంగా పెత్రమాస బతుకమ్మ వేడుకలు

-
హనుమకొండ : రెండో డివిజన్ పరిధిలోని గుండ్లసింగారం శ్రీ వెంకటేశ్వర చైతన్య కాలనీలో ఎంగిలిపూల (మొదటి రోజు) బతుకమ్మ పండుగ వేడుకలను స్థానికులు ఘనంగా నిర్వహించారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ సందర్భంగా కాలనీలో సందడి వాతావరణం నెలకొంది. ఈ సందర్భంగా మహిళలు రంగురంగుల పూలతో బతుకమ్మలను అందంగా పేర్చి, వాటి మధ్య గౌరమ్మను ప్రతిష్ఠించి భక్తిశ్రద్ధలతో పూజలు నిర్వహించారు. గౌరమ్మకు ప్రత్యేక పూజలు చేసి, బతుకమ్మకు నమస్కరించి తమ కుటుంబాలు సుఖసంతోషాలతో ఉండాలని కోరుకున్నారు. అనంతరం బతుకమ్మల చుట్టూ చేరి సంప్రదాయ పాటలు పాడుతూ, చప్పట్లు కొడుతూ.. కోలాటాపాటలతో ఉత్సాహంగా వేడుకల్లో పాల్గొన్నారు. తెలంగాణ ఆడపడుచుల ఆత్మీయతకు, ప్రకృతి ఆరాధనకు ప్రతీకగా నిలిచే ఈ పండుగను స్థానికులు కలిసికట్టుగా జరుపుకున్నారు. బతుకమ్మ వేడుకలు తెలంగాణ సంస్కృతి, సంప్రదాయాలను ప్రతిబింబిస్తూ అందరిలో ఆనందోత్సాహాలను నింపాయి.
Read more »

వివాహిత కుమార్తెకు తండ్రి భూమిపై వారసత్వ హక్కు

-
చిత్రం
షిమ్లా: కుమార్తెకు వివాహం జరిగిందనే కారణంతో తండ్రి నుంచి సంక్రమించే ఆస్తిపై ఆమె హక్కును నిరాకరించలేమని హిమాచల్‌ప్రదేశ్ హైకోర్టు స్పష్టం చేసింది. చట్టంలో స్పష్టమైన నిషేధం లేనప్పుడు కేవలం వివాహిత అనే కారణంతో వారసత్వ హక్కును తిరస్కరించడం సరికాదని పేర్కొంది. షిమ్లా జిల్లా చోపాల్‌ తహసీల్‌కు చెందిన సుమారు 3 బిగ్హాలు 2 బిస్వాల వ్యవసాయ భూమి ఈ కేసుకు కేంద్రంగా ఉంది. 1972లో నౌటర్‌ ల్యాండ్‌ రూల్స్‌ కింద మినా రామ్‌కు ఈ భూమిని ప్రభుత్వం మంజూరు చేసింది. అయితే భూమికి సంబంధించిన పట్టా సిద్ధమైనప్పటికీ అధికారుల సంతకం పూర్తికాకపోవడంతో అధికారిక హక్కు పత్రం జారీ కాలేదు. మినా రామ్ 1990లో మరణించిన తర్వాత ఆయన భార్య సెవతి దేవి పట్టా కోసం దరఖాస్తు చేశారు. ఆమె మరణించిన తర్వాత 2012లో వారి ఏకైక కుమార్తె భూమిపై హక్కు కోరారు. తాను తల్లిదండ్రుల Class-I చట్టబద్ధ వారసురాలినని పేర్కొంటూ 2023లో అధికారులను సంప్రదించారు. అయితే 1980లో ప్రభుత్వం జారీ చేసిన పరిపాలనా ఉత్తర్వును ఆధారంగా చేసుకుని అధికారులు ఆమె అభ్యర్థనను తిరస్కరించారు. వివాహిత కుమార్తెకు నౌటర్‌ భూమిని మంజూరు చేయలేమన్న కారణాన్ని చూపించారు. ఈ నిర్ణయాన్ని సవాలు చేస...
Read more »

స్టార్‌లింక్‌ వివాదంపై కేంద్రం స్పందన.. ‘గుత్తాధిపత్యానికి భారత్‌లో చోటు లేదు’...

-
న్యూఢిల్లీ: భారత్‌లో స్టార్‌లింక్‌ శాటిలైట్‌ ఇంటర్నెట్‌ సేవల ప్రారంభంపై నెలకొన్న వివాదంలో కేంద్ర ప్రభుత్వం స్పందించింది. దేశంలో ఏ రంగంలోనూ గుత్తాధిపత్యాన్ని అనుమతించబోమని కేంద్ర టెలికాం మంత్రి జ్యోతిరాదిత్య సింధియా స్పష్టం చేశారు. వ్యాపారవేత్త ముఖేశ్‌ అంబానీ రాజకీయ పలుకుబడితో స్టార్‌లింక్‌ ప్రవేశాన్ని అడ్డుకుంటున్నారన్న ఎలాన్‌ మస్క్‌ వ్యాఖ్యల నేపథ్యంలో ఈ ప్రకటన వెలువడింది. అంబానీపై మస్క్‌ వ్యాఖ్యలు ఎలాన్‌ మస్క్‌కు చెందిన స్పేస్‌ఎక్స్‌ సంస్థ నిర్వహిస్తున్న స్టార్‌లింక్‌ భారత మార్కెట్‌లోకి ప్రవేశించేందుకు ప్రయత్నిస్తోంది. అయితే, సేవల వాణిజ్య ప్రారంభానికి అవసరమైన కొన్ని అనుమతులు ఇంకా పూర్తికాలేదు. ఈ నేపథ్యంలో భారత మార్కెట్‌లోని శక్తిమంతమైన వ్యాపారవర్గాలు స్టార్‌లింక్‌ ప్రవేశాన్ని అడ్డుకుంటున్నాయని మస్క్‌ ఆరోపించారు. గురువారం సామాజిక మాధ్యమం ఎక్స్‌లో ముఖేశ్‌ అంబానీని ప్రస్తావిస్తూ ఆయన చేసిన వ్యాఖ్యలు చర్చకు దారితీశాయి. అయితే, తన ఆరోపణలకు మస్క్‌ ఎలాంటి ఆధారాలను వెల్లడించలేదు. అనుమతుల ప్రక్రియపై కేంద్రం వివరణ భారత టెలికాం మార్కెట్‌లో రిలయన్స్‌ జియో, భారతీ ఎయిర్‌టెల్‌ ప్రధాన సంస్థలుగా ఉన్నాయి...
Read more »