ఇల్లు నిర్మాణంలో ఫౌండేషన్ తర్వాత ఎక్కువగా ప్రభావం చూపే అంశాల్లో ఇటుకల ఎంపిక కూడా ఒకటి. ప్రస్తుతం మార్కెట్‌లో ప్రధానంగా Fly Ash Bricks మరియు Red Soil Bricks (ఎర్ర మట్టి ఇటుకలు) ఎక్కువగా ఉపయోగిస్తున్నారు. అయితే రెండింటి మధ్య తేడా ఏమిటి? ఏది మంచిది? తెలుసుకుందాం. తయారీ విధానం : Fly Ash Bricks: థర్మల్ పవర్ ప్లాంట్ల నుంచి వచ్చే ఫ్లై యాష్‌తో పాటు సిమెంట్, ఇసుక, ఇతర పదార్థాలతో యంత్రాల ద్వారా తయారు చేస్తారు. Red Soil Bricks: సహజ మట్టిని ఆకారంలోకి మార్చి భట్టీల్లో కాల్చి తయారు చేస్తారు. బలం (Strength) : ఫ్లై యాష్ ఇటుకలు సాధారణంగా ఒకే ప్రమాణంలో తయారవ్వడం వల్ల నాణ్యత స్థిరంగా ఉంటుంది. ఎర్ర మట్టి ఇటుకల బలం తయారీ విధానం, మట్టి నాణ్యతపై ఆధారపడి మారవచ్చు. నీటి శోషణ : ఫ్లై యాష్ ఇటుకలు తక్కువ నీటిని పీల్చుకునే లక్షణం కలిగి ఉంటాయి. దీనివల్ల తేమ, సీపేజ్ సమస్యలు కొంతవరకు తగ్గే అవకాశం ఉంటుంది. నిర్మాణ ఖర్చు : ఫ్లై యాష్ ఇటుకలు సైజులో సమానంగా ఉండటంతో మోర్టార్, ప్లాస్టర్ వినియోగం తగ్గే అవకాశం ఉంటుంది. ఎర్ర ఇటుకల్లో ఫినిషింగ్ కోసం అదనపు పని అవసరం కావచ్చు. పర్యావరణ ప్రభావం : ఫ్లై యాష్ ఇటుకలు పరిశ్రమ ...

తెలంగాణ ఇన్‌స్టిట్యూట్ ఆఫ్ మెడికల్ సైన్సెస్ (టిమ్స్), సనత్‌నగర్‌లో ఒప్పంద ప్రాతిపదికన వివిధ విభాగాల్లో ఉద్యోగాల భర్తీకి దరఖాస్తులు ఆహ్వానించారు. ఈ నియామక ప్రక్రియను నిజాం ఇన్‌స్టిట్యూట్ ఆఫ్ మెడికల్ సైన్సెస్ (నిమ్స్) నిర్వహిస్తోంది. మొత్తం 122 ఖాళీలను భర్తీ చేయనుండగా, అందులో 98 టెక్నీషియన్ పోస్టులు , 24 అడ్మినిస్ట్రేటివ్ పోస్టులు ఉన్నాయి. దరఖాస్తుల స్వీకరణ 22 జూన్ 2026 నుంచి ప్రారంభమైంది. దరఖాస్తులు సమర్పించేందుకు 06 జూలై 2026 సాయంత్రం 4 గంటల వరకు అవకాశం కల్పించారు. దరఖాస్తు ప్రక్రియ ఆఫ్‌లైన్ విధానంలో మాత్రమే ఉంటుంది. అప్లికేషన్ ఫీజుగా జనరల్ అభ్యర్థులు రూ.1,000 , ఎస్సీ, ఎస్టీ అభ్యర్థులు రూ.500 చెల్లించాలి. ఫీజును డిమాండ్ డ్రాఫ్ట్ రూపంలో సమర్పించాల్సి ఉంటుంది. వయోపరిమితి విషయానికి వస్తే, టెక్నికల్ మరియు అనుబంధ పోస్టులకు గరిష్టంగా 35 సంవత్సరాలు , అడ్మినిస్ట్రేటివ్ పోస్టులకు 45 సంవత్సరాలు నిర్ణయించారు. ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు 5 సంవత్సరాలు , దివ్యాంగులకు 10 సంవత్సరాల వయో సడలింపు వర్తిస్తుంది. వయస్సును 01 జూలై 2026 నాటికి పరిగణిస్తారు. అర్హత, అనుభవం, పోస్టుల ...

  ప్రైవేట్ పాఠశాలల్లో ఫీజుల భారం – పుస్తకాలు, యూనిఫాంల పేరిట తల్లిదండ్రులపై అదనపు ఒత్తిడి? తెలంగాణ రాష్ట్రంలోని పలుచోట్ల ప్రైవేట్ పాఠశాలల్లో ఫీజుల వసూళ్లపై తల్లిదండ్రుల్లో ఆందోళన వ్యక్తమవుతోంది. విద్యా బోధనకు పరిమితమవ్వాల్సిన పాఠశాలలు కొన్ని చోట్ల పుస్తకాలు, యూనిఫాంల విక్రయ కేంద్రాలుగా మారుతున్నాయనే విమర్శలు వినిపిస్తున్నాయి. తల్లిదండ్రుల వాదన ప్రకారం, పాఠశాలలే సూచించిన చోట లేదా నేరుగా పాఠశాలల నుంచే పుస్తకాలు, నోట్ బుక్స్, యూనిఫామ్  కొనుగోలు చేయాలని ఒత్తిడి తెస్తున్నారని ఆరోపిస్తున్నారు. మార్కెట్‌లో తక్కువ ధరలకు అందుబాటులో ఉన్నా, ఇతర చోట్ల కొనుగోలు చేసే అవకాశాన్ని పరిమితం చేస్తున్నారనే అభిప్రాయం వ్యక్తమవుతోంది. అదేవిధంగా, పుస్తకాలు, యూనిఫాంలకు నగదు లేదా ఆన్‌లైన్ చెల్లింపులు తీసుకున్నప్పటికీ కొన్ని చోట్ల సరైన రసీదులు ఇవ్వడం లేదని తల్లిదండ్రులు వాపోతున్నారు. దీంతో ఖర్చులపై స్పష్టత లేకుండా పోతోందని, భవిష్యత్తులో వివాదాలు వచ్చినప్పుడు ఆధారాలు లేక ఇబ్బందులు ఎదురవుతాయని ఆందోళన వ్యక్తం చేస్తున్నారు. ప్రతి విద్యార్థికి నాణ్యమైన విద్య అందించాల్సిన విద్యాసంస్థలు, ఆర్థిక భారాన్ని తగ్...

తెలంగాణ రాష్ట్రవ్యాప్తంగా (28/06/2026-30/06/2026) వరకు నిర్వహిస్తున్న పల్స్ పోలియో కార్యక్రమంలో తల్లిదండ్రులందరూ తప్పనిసరిగా భాగస్వాములు కావాలని ఎ. రేవంత్ రెడ్డి విజ్ఞప్తి చేశారు. అప్పుడే పుట్టిన శిశువు నుంచి 5 సంవత్సరాల లోపు వయస్సు ఉన్న ప్రతి చిన్నారికి ఈరోజే తప్పనిసరిగా పోలియో చుక్కలు వేయించాలని కోరారు. పల్స్ పోలియో చుక్కలు చిన్నారులకు జీవితాంతం రక్షణ కవచంలా నిలుస్తాయని, వారి ఆరోగ్యవంతమైన జీవితానికి మరియు బంగారు భవిష్యత్తుకు తోడ్పడుతాయని పేర్కొన్నారు. ఆరోగ్యవంతమైన తెలంగాణ కోసం.. పోలియో రహిత భారతదేశం కోసం.. ప్రతి చిన్నారికి నేడు పోలియో చుక్కలు వేయించండి.

పాలకుర్తి : మాదకద్రవ్యాల అక్రమ రవాణాపై చర్యలు కొనసాగిస్తున్న పాలకుర్తి పోలీసులు కీలక విజయం సాధించారు. విశ్వసనీయ సమాచారం ఆధారంగా నిర్వహించిన తనిఖీల్లో 1.8 కిలోల గంజాయిని స్వాధీనం చేసుకుని ముగ్గురు నిందితులను అరెస్టు చేశారు. కేసులో మరో ముగ్గురు నిందితులు పరారీలో ఉన్నట్లు పోలీసులు వెల్లడించారు. పోలీసుల వివరాల ప్రకారం, పాలకుర్తి పోలీస్ స్టేషన్ ఎస్‌ఐ శ్రీ దూలం పవన్ కుమార్ ఆధ్వర్యంలో పోలీసు సిబ్బంది జూన్ 27న పాలకుర్తి బస్ స్టాండ్ పరిసరాల్లో వాహనాలు, అనుమానాస్పద వ్యక్తులను తనిఖీ చేశారు. ఈ సందర్భంగా ముగ్గురు వ్యక్తులను అదుపులోకి తీసుకుని వారి వద్ద ఉన్న బ్యాగును పరిశీలించగా 1.8 కిలోల గంజాయి లభ్యమైంది. స్వాధీనం చేసుకున్న గంజాయి విలువ సుమారు రూ.90 వేలుగా అంచనా వేశారు. అలాగే రవాణాకు ఉపయోగించిన బ్యాగు, మూడు మొబైల్ ఫోన్లను కూడా స్వాధీనం చేసుకున్నారు. విచారణలో నిందితులు ఒడిశాలోని బరంపూర్ ప్రాంతానికి చెందిన అమర్ అనే వ్యక్తి వద్ద గంజాయిని కొనుగోలు చేసినట్లు అంగీకరించినట్లు పోలీసులు తెలిపారు. అనంతరం గుజరాత్ రాష్ట్రానికి చెందిన ఖాన్ అక్రమ్ యార్ మహమ్మద్, వాజిద్ సజ్జన్లకు సరఫరా చేసేందుకు తరలిస్తున్నట్లు వె...

మూసీ రివర్ ఫ్రంట్ డెవలప్మెంట్ ప్రాజెక్టు తొలి దశ పనుల పురోగతిపై ముఖ్యమంత్రి ఎ. రేవంత్ రెడ్డి ఉన్నతస్థాయి సమావేశంలో సమీక్ష నిర్వహించారు. మూసీ రివర్‌బెడ్‌లో నివసిస్తున్న అర్హులైన వారికి డబుల్ బెడ్‌రూమ్ ఇండ్లను కేటాయించేలా చర్యలు తీసుకోవాలని అధికారులను ఆదేశించారు. ఎంసీఆర్ హెచ్‌ఆర్‌డీ బోధి పెవిలియన్‌లో జరిగిన ఈ సమావేశంలో మంత్రి పొంగులేటి శ్రీనివాస రెడ్డి, ఎంపీ వేం నరేందర్ రెడ్డి, ప్రభుత్వ ప్రత్యేక ప్రధాన కార్యదర్శి జయేష్ రంజన్‌తో పాటు ఇతర ఉన్నతాధికారులు పాల్గొన్నారు. సమావేశంలో అధికారులు తొలి దశ ప్రాజెక్టుపై పవర్‌పాయింట్ ప్రజెంటేషన్ అందించారు. ప్రాజెక్టు అమలులో అవసరమైన ప్రాంతాల్లో భూ సేకరణ చేపట్టేటప్పుడు భూ యజమానుల ఆసక్తిని బట్టి టీడీఆర్ (ట్రాన్స్‌ఫరబుల్ డెవలప్‌మెంట్ రైట్స్) ఇవ్వడం లేదా పరిహారం చెల్లించే అంశాన్ని పరిశీలించాలని సూచించారు. అలాగే గాంధీ సరోవర్ ప్రాజెక్టు కోసం రక్షణ శాఖ భూముల్లో ఉన్న నిర్మాణాలను రాష్ట్ర ప్రభుత్వమే తరలించాల్సి ఉంటుందని సమావేశంలో ప్రస్తావించారు. నెక్లెస్ రోడ్డులో ప్రజల కోసం మూసీ ఎక్స్‌పీరియన్స్ సెంటర్ ఏర్పాటు చేయాలని సీఎం సూచించారు. మూసీ ప్రాజెక్టు కింద చేపట్టబోయే...

 అంతర్జాతీయ మాదక ద్రవ్యాల వ్యతిరేక దినోత్సవాన్ని పురస్కరించుకుని మొండ్రాయ్ గ్రామంలో గ్రామసభనిర్వహించారు. ఈ కార్యక్రమంలో పర్వతగిరి సీఐ రాజగోపాల్, సంగెం ఎస్‌ఐ వంశీకృష్ణ, గ్రామ ప్రజాప్రతినిధులు, యువత, మహిళలు, గ్రామస్థులు పాల్గొన్నారు. ఈ సందర్భంగా మాదక ద్రవ్యాల వినియోగం వల్ల యువత భవిష్యత్తు, కుటుంబ వ్యవస్థ మరియు సమాజంపై కలిగే ప్రతికూల ప్రభావాలపై అవగాహన కల్పించారు. మత్తు పదార్థాలకు పూర్తిగా దూరంగా ఉండాలని సూచిస్తూ, వాటి వినియోగం, విక్రయం లేదా రవాణాకు సంబంధించిన సమాచారం తెలిసిన వెంటనే పోలీసులకు అందించాలని సూచించారు. “డ్రగ్స్‌కు నో చెప్పండి – ఆరోగ్యవంతమైన, సురక్షితమైన సమాజ నిర్మాణానికి అందరం కలిసి కృషి చేద్దాం” అనే సందేశంతో గ్రామస్థులు మాదక ద్రవ్యాలకు వ్యతిరేకంగా ప్రతిజ్ఞ చేశారు. డ్రగ్స్ రహిత సమాజ నిర్మాణానికి ప్రజల సహకారంతో నిరంతరం చర్యలు కొనసాగిస్తామని సంగెం పోలీసులు తెలిపారు.

ప్రజల ప్రాణ భద్రతకు ప్రాధాన్యత ఇస్తూ రోడ్డు ప్రమాదాల నివారణ కోసం సంగెం పోలీసులు ప్రత్యేక చర్యలు చేపడుతున్నారు. ఇందులో భాగంగా పర్వతగిరి సీఐ రాజగోపాల్, సంగెం ఎస్‌ఐ వంశీకృష్ణ ఆధ్వర్యంలో మొండ్రాయి మార్గంలో మరో 5 రోడ్డు భద్రత హెచ్చరిక బోర్డులను ఏర్పాటు చేశారు. ఇప్పటికే ఇదే మార్గంలో 20 రోడ్డు భద్రత బోర్డులు ఏర్పాటు చేయగా, వాహనదారుల్లో అవగాహన పెంచే ఉద్దేశంతో 3డీ పోలీస్ ఇన్నోవా వాహనం నమూనాను కూడా ఏర్పాటు చేశారు. తాజా బోర్డులతో కలిపి సంగెం పోలీస్ స్టేషన్ పరిధిలో మొత్తం 25 రోడ్డు భద్రత హెచ్చరిక బోర్డులు అందుబాటులోకి వచ్చాయి. ఈ హెచ్చరిక బోర్డుల ద్వారా అతివేగం, నిర్లక్ష్యపు డ్రైవింగ్, మద్యం సేవించి వాహనం నడపడం, మొబైల్ ఫోన్ ఉపయోగిస్తూ డ్రైవింగ్ చేయడం వంటి ప్రమాదకర అలవాట్లపై అవగాహన కల్పించడంతో పాటు ట్రాఫిక్ నిబంధనల పాటనకు ప్రోత్సాహం అందిస్తున్నారు. ఈ సందర్భంగా పోలీసులు ప్రజలకు సూచిస్తూ ద్విచక్ర వాహనదారులు హెల్మెట్‌, నాలుగు చక్రాల వాహనదారులు సీటుబెల్ట్‌ తప్పనిసరిగా ధరించాలని, అతివేగాన్ని నివారిస్తూ అప్రమత్తంగా ప్రయాణించాలని కోరారు. రోడ్డు ప్రమాదాల నియంత్రణకు ప్రతి ఒక్కరూ సహకరించాలని విజ్ఞప్తి చేశారు.

మాదక ద్రవ్యాలకు దూరంగా ఉంటూ ఆరోగ్యవంతమైన సమాజ నిర్మాణం కోసం ప్రతి ఒక్కరూ కృషి చేయాలని తెలంగాణ ముఖ్యమంత్రి ఎ. రేవంత్ రెడ్డి పిలుపునిచ్చారు. “మాదక ద్రవ్యాల దుర్వినియోగం మరియు అక్రమ రవాణాకు వ్యతిరేకంగా అంతర్జాతీయ దినోత్సవం” సందర్భంగా విడుదల చేసిన సందేశంలో ఆయన ఈ విషయాన్ని తెలిపారు. మాదక ద్రవ్యాలు వ్యక్తిగత జీవితాన్నే కాకుండా కుటుంబ వ్యవస్థను దెబ్బతీస్తాయని, సమాజంపై ప్రతికూల ప్రభావం చూపడంతో పాటు శాంతిభద్రతలకు సంబంధించిన సమస్యలకు దారితీస్తాయని పేర్కొన్నారు. మాదక ద్రవ్యాల నియంత్రణ, అక్రమ రవాణా అరికట్టడంలో అవగాహన, అప్రమత్తత, సామాజిక బాధ్యత కీలకమని తెలిపారు. యువతలో సానుకూల ఆలోచనలు, విలువలు పెంపొందించి మాదక ద్రవ్యాల రహిత సమాజ నిర్మాణానికి ప్రతి ఒక్కరూ కృషి చేయాలని కోరారు. ‘డ్రగ్ ఫ్రీ తెలంగాణ’ లక్ష్య సాధనలో ప్రజలందరూ భాగస్వాములు కావాలని ముఖ్యమంత్రి విజ్ఞప్తి చేశారు.

హైదరాబాద్‌లో నిర్వహించిన రాష్ట్ర ప్రభుత్వ ఉద్యోగుల బీమా సౌకర్య కార్యక్రమంలో ముఖ్యమంత్రి ఎ. రేవంత్ రెడ్డి పాల్గొన్నారు. ఈ సందర్భంగా ప్రభుత్వ ఉద్యోగులు, వారి కుటుంబాలకు ఆర్థిక భద్రత కల్పించడం ప్రభుత్వ బాధ్యత అని అన్నారు. ఉద్యోగుల్లో విశ్వాసం, నమ్మకం పెంచడమే కాకుండా వారికి భద్రత కల్పించాల్సిన బాధ్యత ప్రభుత్వానిదేనని సీఎం పేర్కొన్నారు. ఈ మేరకు రాష్ట్ర ప్రభుత్వంతో లావాదేవీలు నిర్వహిస్తున్న 16 బ్యాంకులతో ఉద్యోగుల బీమా రక్షణకు అవగాహన ఒప్పందాలు కుదుర్చుకున్నట్లు తెలిపారు. ఉప ముఖ్యమంత్రి మల్లు భట్టి విక్రమార్క ప్రతిపాదనతో సింగరేణి కార్మికులకు ఒక్క రూపాయి చెల్లించకుండా రూ.1 కోటి బీమా అమలు చేసిన విషయాన్ని ప్రస్తావిస్తూ, అదే విధానాన్ని ప్రభుత్వ ఉద్యోగులకూ అందుబాటులోకి తీసుకొస్తున్నామని చెప్పారు. గత ప్రభుత్వ కాలంలో రాష్ట్రంపై భారీ అప్పుల భారం పడిందని, ఉద్యోగులకు సమయానికి జీతాలు ఇవ్వలేని పరిస్థితి ఉండేదని సీఎం వ్యాఖ్యానించారు. ప్రస్తుతం ప్రతి నెల మొదటి తేదీకే జీతాలు చెల్లిస్తున్నామని తెలిపారు. విరమణ ప్రయోజనాల బకాయిల పరిష్కారానికి విడతల వారీగా నిధులు విడుదల చేస్తున్నామని, వంద రోజుల్లో రూ.6 వేల కోట్లు...

తెలంగాణలో జనసేన పార్టీని మరింత బలోపేతం చేయాలనే లక్ష్యంతో నేడు జనసేన పార్టీ చేరికల కమిటీ సమావేశం నిర్వహించారు. జనసేన పార్టీ ప్రధాన కార్యదర్శి రామ్ తాళ్లూరి, తెలంగాణ రాష్ట్ర బాధ్యులు నేమూరి శంకర్ గౌడ్, సీనియర్ నాయకుడు రాజలింగం పర్యవేక్షణలో జరిగిన ఈ సమావేశంలో తెలంగాణలో పార్టీని బలోపేతం చేసే నాయకత్వాన్ని గుర్తించడం, భవిష్యత్ నాయకులను తీర్చిదిద్దే దిశగా చేపట్టాల్సిన కార్యాచరణపై విస్తృతంగా చర్చించారు. ఈ సమావేశంలో చేరికల కమిటీ సభ్యులు ముమ్మారెడ్డి ప్రేమ్ కుమార్, డాక్టర్ గడల శ్రీనివాసరావు, గొట్టిముక్కల నరేష్ రెడ్డి, అబ్దుల్ హనీఫ్, అల్లాడి తనీష్, చిరాగ్ ప్రజీత్ గౌడ్, ముదురు సరస్వతి పాల్గొన్నారు.

హొస్పేట్ : గద్వాల్, అలంపూర్, పాలమూరు ప్రాంతాలకు చెందిన రైతుల ప్రయోజనాల దృష్ట్యా రాజోలిబండ మళ్లింపు పథకం కింద తెలంగాణకు కేటాయించిన 15 టీఎంసీల నీటిని పూర్తిగా వినియోగించుకునేలా చర్యలు తీసుకోవాలని ముఖ్యమంత్రి రేవంత్ రెడ్డి కేంద్ర జలశక్తి మంత్రి సీఆర్ పాటిల్‌ను కోరారు. కర్ణాటకలోని హొస్పేట్ సమీపంలోని తుంగభద్ర ఆనకట్ట వద్ద నూతనంగా ఏర్పాటు చేసిన 33 గేట్ల ప్రారంభ కార్యక్రమంలో పాల్గొన్న సందర్భంగా ఈ అంశాన్ని ప్రస్తావించారు. ఈ కార్యక్రమానికి కర్ణాటక ఉప ముఖ్యమంత్రి డీకే శివకుమార్, ఆంధ్రప్రదేశ్ ముఖ్యమంత్రి చంద్రబాబు నాయుడుతో పాటు మూడు రాష్ట్రాల ప్రతినిధులు హాజరయ్యారు. సభలో మాట్లాడిన ముఖ్యమంత్రి, ఆర్డీఎస్ కింద పాలమూరుకు కేటాయించిన 15.9 టీఎంసీలలో ప్రస్తుతం సుమారు 5 టీఎంసీల నీటినే వినియోగించగలుగుతున్నామని తెలిపారు. తుంగభద్రలో మట్టి పేరుకుపోవడం, నీటి తరలింపులో సాంకేతిక సమస్యల కారణంగా మిగిలిన నీరు అందడం లేదని, దీని ప్రభావం గద్వాల్, అలంపూర్ ప్రాంతాల రైతులపై పడుతోందన్నారు. మూడు రాష్ట్రాల సమన్వయంతో ఈ సమస్యకు శాశ్వత పరిష్కారం దిశగా చర్చలు జరుగుతున్నాయని, తుంగభద్ర గేట్ల పునరుద్ధరణతో బళ్లారి, అనంతపురం, కర్నూలు...

తుంగభద్ర నుంచి తెలంగాణకు రావాల్సిన నికర వాటా జలాల వినియోగానికి, భాగస్వామ్య రాష్ట్రాలతో సమన్వయం సాధించేందుకు కేంద్ర ప్రభుత్వం జోక్యం చేసుకోవాలని ముఖ్యమంత్రి ఎ. రేవంత్ రెడ్డి కోరారు. తుంగభద్ర డ్యామ్, నది ప్రవాహం నుంచి తెలంగాణకు హక్కుగా 15.9 టీఎంసీల నీరు రావాల్సి ఉండగా ప్రస్తుతం అయిదారు టీఎంసీలకు మించి అందడం లేదని ఆందోళన వ్యక్తం చేశారు. ఆర్డీఎస్ పరిధిలో జోగులాంబ గద్వాల జిల్లాలోని 75 గ్రామాల్లో 83,987 ఎకరాల ఆయకట్టుకు నీరు అందాల్సి ఉందని పేర్కొన్నారు. మూడు రాష్ట్రాల భాగస్వామ్యం ఉన్న నేపథ్యంలో కేంద్ర జల సంఘం ఆధ్వర్యంలో తెలంగాణ, ఏపీ, కర్ణాటక రాష్ట్రాల నీటి వినియోగ సమన్వయానికి తుంగభద్ర బోర్డును మరింత పటిష్టం చేయాలని సూచించారు. తుంగభద్ర ప్రాజెక్టు, ఆర్డీఎస్, అంతర్రాష్ట్ర నదీ జల వివాదాలపై జలసౌధలో నిర్వహించిన ఉన్నతస్థాయి సమీక్ష సమావేశంలో మంత్రులు ఎన్. ఉత్తమ్ కుమార్ రెడ్డి, జూపల్లి కృష్ణారావు, మల్లు రవి, ప్రభుత్వ సలహాదారులు జితేందర్ రెడ్డి, ఆదిత్య నాథ్ దాస్‌తో పాటు నీటిపారుదల శాఖ ఉన్నతాధికారులు పాల్గొన్నారు. ఆర్డీఎస్ ఆనకట్ట భద్రతాపరంగా ప్రమాదకరంగా మారిందని, అత్యవసర పనులను గుర్తించి చేపట్టాలని సీఎం...

తెలంగాణలో లంబాడి, ఎరుకల, యానాది తెగలకు రిజర్వేషన్లు కల్పించి 50 సంవత్సరాలు పూర్తయిన సందర్భంగా నిర్వహించనున్న స్వర్ణోత్సవ వేడుకల నేపథ్యంలో చేపట్టనున్న ఇందిరమ్మ ఆశీర్వాద బస్సు యాత్రకు సంబంధించిన వివరాలను ప్రతినిధి బృందం ముఖ్యమంత్రి ఎ. రేవంత్ రెడ్డికి వివరించింది. ఈ సందర్భంగా ఎస్టీలకు రిజర్వేషన్లు అమలై 50 ఏళ్లు పూర్తయిన సందర్భంగా చేపడుతున్న బస్సు యాత్ర లక్ష్యాలు, కార్యక్రమాల ఉద్దేశాలను నేతలు సీఎంకు వివరించారు. ఈ సమావేశంలో లోక్‌సభ సభ్యుడు బలరామ్ నాయక్, ప్రభుత్వ విప్ రామచంద్ర నాయక్, ఎమ్మెల్సీ శంకర్ నాయక్, ఎమ్మెల్యే బాలు నాయక్, మాజీ ఎంపీ రవీంద్ర నాయక్‌తో పాటు ఇతర ప్రతినిధులు పాల్గొన్నారు. మంత్రి ఎన్. ఉత్తమ్ కుమార్ రెడ్డి కూడా హాజరయ్యారు.

అంతర్జాతీయ ఒలింపిక్ కమిటీ, ఇండియన్ ఒలింపిక్ అసోసియేషన్, తెలంగాణ ఒలింపిక్ అసోసియేషన్ ఆధ్వర్యంలో నిర్వహిస్తున్న ఒలింపిక్ డే రన్–2026 కార్యక్రమం బుధవారం ములుగు జిల్లా ఒలింపిక్ కమిటీ ఆధ్వర్యంలో ములుగు ప్రభుత్వ ఉన్నత పాఠశాల మైదానంలో ఘనంగా జరిగింది. ఈ కార్యక్రమానికి ముఖ్య అతిథిగా రాష్ట్ర పంచాయతీరాజ్, గ్రామీణాభివృద్ధి, స్త్రీ-శిశు సంక్షేమ శాఖలు, రూరల్ వాటర్ సప్లై శాఖల మంత్రి డా. ధనసరి అనసూయ (సీతక్క) హాజరయ్యారు. అలాగే జిల్లా కలెక్టర్ హేమంత్ బోర్కడే (ఐఏఎస్), జిల్లా ఎస్పీ సుధీర్ రామ్‌నాథ్ కేకన్ (ఐపీఎస్) పాల్గొన్నారు. జిల్లా ఒలింపిక్ డే రన్ కమిటీ కన్వీనర్‌గా పగడాల వెంకటేశ్వర్ రెడ్డి వ్యవహరించారు. క్రీడాస్ఫూర్తి, ఆరోగ్యకర జీవన విధానాన్ని ప్రజల్లో పెంపొందించాలనే ఉద్దేశంతో నిర్వహించిన ఈ కార్యక్రమంలో క్రీడాకారులు, విద్యార్థులు, యువతతో పాటు ప్రజలు పెద్ద సంఖ్యలో పాల్గొన్నారు.

అంతర్జాతీయ మాదకద్రవ్యాల దుర్వినియోగం మరియు అక్రమ రవాణా వ్యతిరేక దినోత్సవాన్ని పురస్కరించుకుని పర్వతగిరి పోలీస్ స్టేషన్ ఎస్‌ఐ ఆధ్వర్యంలో నేడు కల్లెడలోని ఆర్‌డీఎఫ్ కళాశాలలో అవగాహన కార్యక్రమాన్ని నిర్వహించారు. ఈ కార్యక్రమంలో భాగంగా విద్యార్థులకు వ్యాసరచన, చిత్రలేఖనం, ఆటల పోటీలు, వక్తృత్వ పోటీలు నిర్వహించి మాదకద్రవ్యాల వల్ల కలిగే అనర్థాలపై ఎస్ఐ ప్రవీణ్ అవగాహన కల్పించారు. అనంతరం వివిధ పోటీల్లో ప్రతిభ కనబర్చిన విద్యార్థులకు బహుమతులు అందజేశారు. మాదకద్రవ్యాలకు దూరంగా ఉండి ఆరోగ్యకరమైన జీవన విధానాన్ని అలవాటు చేసుకోవాలని విద్యార్థులకు సూచించారు.

పర్వతగిరిలో జరిగిన ఘోర రోడ్డు ప్రమాదంలో మృతి చెందిన బొడ్డ చరణ్, మాజీ ఎంపీటీసీ సభ్యుడు వడ్లకొండ ఎల్లగౌడ్, ఎండి అఫ్జల్. వరంగల్ ఎంజీఎం మార్చురీకి వెళ్లి మృతదేహాలకు పూలమాలలు వేసి నివాళులర్పించిన వర్ధన్నపేట ఎం.ఎల్.ఎ  కే.ఆర్.నాగరాజు. అనంతరం మృతుల కుటుంబ సభ్యులను పరామర్శించి ప్రగాఢ సానుభూతి తెలిపారు. ఘటన స్థలాన్ని పరిశీలించిన డీసీపీ, ఏసీపీ : అలాగే ఘటన స్థలాన్ని ఈ రోజు డీసీపీ ఈస్ట్ జోన్, ఏసీపీ మామునూర్ పరిశీలించారు. ప్రమాద స్థలాన్ని క్షుణ్ణంగా తనిఖీ చేసి, ఘటనకు దారితీసిన పరిస్థితులు, ప్రమాదానికి గల కారణాలపై సమగ్రంగా విశ్లేషించారు. ఈ సందర్భంగా రహదారి భద్రతా చర్యలు, భవిష్యత్తులో ఇలాంటి ప్రమాదాలు పునరావృతం కాకుండా తీసుకోవాల్సిన నివారణ చర్యలపై అవసరమైన సూచనలు చేశారు. సంబంధిత అధికారులకు తగిన జాగ్రత్తలు తీసుకోవాలని ఆదేశించారు.

ఢిల్లీ : భారత వాయు సేన ఆధ్వర్యంలో అభివృద్ధి చేయనున్న ఆదిలాబాద్ విమానాశ్రయాన్ని అన్ని ఆధునిక సౌకర్యాలతో అభివృద్ధి చేయాలని ముఖ్యమంత్రి ఎ. రేవంత్ రెడ్డి కేంద్ర రక్షణ శాఖ మంత్రి రాజ్‌నాథ్ సింగ్‌ను కోరారు. ఢిల్లీలోని కర్తవ్య భవన్‌లో జరిగిన సమావేశంలో ఈ అంశంపై చర్చించారు. ఈ సందర్భంగా గాంధీ సరోవర్ ప్రాజెక్టు కోసం రక్షణ శాఖ భూముల బదిలీ చేసినందుకు కేంద్రానికి కృతజ్ఞతలు తెలిపారు. రాష్ట్ర ప్రభుత్వ అత్యంత ప్రాధాన్య ప్రాజెక్టుల్లో ఆదిలాబాద్ విమానాశ్రయం ఒకటని పేర్కొంటూ, భూసేకరణ, మౌలిక సౌకర్యాల బదిలీ వంటి అంశాల్లో రాష్ట్ర ప్రభుత్వం పూర్తి సహకారం అందిస్తుందని తెలిపారు. దేశ సమగ్రత, రక్షణ అవసరాలకు ఈ విమానాశ్రయం కీలకమని పేర్కొంటూ, విస్తృత స్థాయిలో అభివృద్ధి చేయాలని విజ్ఞప్తి చేశారు. భారత వాయు సేన కేంద్రంతో పాటు పౌర విమానయాన శాఖ ప్రయాణికుల కేంద్ర భవనం, సరుకు రవాణా కేంద్రం, విమానాల మరమ్మత్తు–నిర్వహణ కేంద్రం, విమానాల నిల్వ కేంద్రాల ఏర్పాటుకు సహకరించాలని కేంద్రాన్ని కోరారు. అంతర్జాతీయ పరిస్థితుల నేపథ్యంలో ప్రపంచ విమానయాన సంస్థలు తమ విమానాల నిల్వ కేంద్రాలకు అనువైన ప్రాంతాలను అన్వేషిస్తున్నాయని, ఆదిలాబాద్‌ను ఆ ...

వైద్య విద్యలో ప్రవేశానికి కీలకమైన నీట్ (NEET) పరీక్షకు హాజరవుతున్న విద్యార్థులందరికీ సి.ఎం రేవంత్ రెడ్డి హృదయపూర్వక శుభాకాంక్షలు తెలిపారు. ఆదివారం పునర్నిర్వహిస్తున్న ఈ ముఖ్యమైన పరీక్షలో విద్యార్థులు ఎలాంటి ఆందోళనలకు, ఒత్తిళ్లకు లోనుకాకుండా పూర్తి ఆత్మవిశ్వాసంతో, ప్రశాంతంగా పరీక్ష రాయాలని ఆకాంక్షించారు. ఈ సందర్భంగా ముఖ్యమంత్రి మాట్లాడుతూ, నీట్ పరీక్ష కోసం విద్యార్థులు ఎంతోకాలంగా కృషి చేశారని పేర్కొన్నారు. తమ శ్రమ, పట్టుదలపై నమ్మకం ఉంచి అత్యుత్తమ ప్రతిభ కనబరచాలని సూచించారు. దేశవ్యాప్తంగా నిర్వహిస్తున్న నీట్ పరీక్ష నేపథ్యంలో తెలంగాణలో సుమారు 208 పరీక్షా కేంద్రాల్లో దాదాపు 2.95 లక్షల మంది విద్యార్థులు పరీక్షకు హాజరుకానున్నట్లు తెలిపారు. విద్యార్థుల సౌకర్యార్థం ఆర్టీసీ బస్సుల్లో ఉచిత ప్రయాణ సదుపాయం కల్పించిన విషయాన్ని గుర్తుచేశారు. విద్యార్థులు చివరి నిమిషం వరకు వేచి ఉండకుండా ముందుగానే పరీక్షా కేంద్రాలకు చేరుకోవాలని, పరీక్షా నిబంధనలను పాటిస్తూ ప్రశాంతమైన మనసుతో పరీక్ష రాయాలని సూచించారు. పరీక్షలో విజయం సాధించి తమ లక్ష్యాలను చేరుకోవాలని, ఉన్నత శిఖరాలను అధిరోహించాలని ముఖ్యమంత్రి ఆకాంక్షించారు...

హైదరాబాద్ : మాదకద్రవ్యాల మహమ్మారిని నియంత్రించి సమాజాన్ని డ్రగ్స్ రహితంగా తీర్చిదిద్దే లక్ష్యంతో తెలంగాణ ప్రభుత్వం చేపడుతున్న చర్యల్లో భాగంగా విద్యార్థులను భాగస్వామ్యం చేస్తూ ప్రత్యేక కార్యక్రమాన్ని నిర్వహించింది. హైదరాబాద్‌లోని ఎల్‌బీ స్టేడియంలో నిర్వహించిన కార్యక్రమంలో రాష్ట్ర గవర్నర్ శివ ప్రతాప్ శుక్లా విద్యార్థినీ విద్యార్థులతో మాదక ద్రవ్యాల నిరోధక ప్రతిజ్ఞ చేయించారు. ఈ కార్యక్రమంలో ముఖ్యమంత్రి ఎ. రేవంత్ రెడ్డి, ఉప ముఖ్యమంత్రి మల్లు భట్టి విక్రమార్క, మంత్రులు దుద్దిళ్ల శ్రీధర్ బాబు, పొన్నం ప్రభాకర్, అడ్లూరి లక్ష్మణ్, ప్రభుత్వ సలహాదారు కె. కేశవరావు, ప్రజాప్రతినిధులు పాల్గొన్నారు. ఈ సందర్భంగా విద్యార్థులు మాదక ద్రవ్యాల వ్యతిరేకంగా ప్రతిజ్ఞ చేశారు. డ్రగ్స్‌పై జరుగుతున్న పోరాటంలో క్రియాశీల భాగస్వాములమవుతామని, డ్రగ్స్ రహిత జీవనశైలిని అనుసరిస్తామని, తమతో పాటు ఇతరులు కూడా మాదక ద్రవ్యాల బారిన పడకుండా కృషి చేస్తామని ప్రతిజ్ఞ చేశారు. అలాగే డ్రగ్స్ రహిత సమాజ నిర్మాణం లక్ష్యంగా తెలంగాణ ప్రభుత్వం చేపడుతున్న కార్యక్రమాలకు తమ వంతు సహకారం అందిస్తామని విద్యార్థులు సంకల్పం వ్యక్తం చేశారు. మూలం: సమాచ...

  హైదరాబాద్ : తెలంగాణ ఆకాంక్షలు, ఆశలు నెరవేరేలా పనిచేస్తూ దేశ సమగ్రత, సమైక్యతకు ప్రాధాన్యం ఇస్తూ జనసేన పార్టీ తెలంగాణలో తన రాజకీయ ప్రస్థానాన్ని మరింత వేగవంతం చేస్తుందని ఆంధ్రప్రదేశ్ ఉప ముఖ్యమంత్రి, జనసేన పార్టీ అధ్యక్షుడు పవన్ కళ్యాణ్ తెలిపారు. శుక్రవారం హైదరాబాద్ మణికొండలో జనసేన తెలంగాణ రాష్ట్ర పార్టీ కార్యాలయాన్ని ఆయన ప్రారంభించారు. వేద పండితుల మంత్రోచ్ఛరణల మధ్య కార్యాలయాన్ని ప్రారంభించిన అనంతరం పార్టీ నాయకులు, కొత్తగా చేరిన సభ్యులతో ప్రత్యేక సమావేశం నిర్వహించారు. ఈ సందర్భంగా పవన్ కళ్యాణ్ మాట్లాడుతూ తెలంగాణ పోరాట స్ఫూర్తి దేశానికి ఆదర్శమని పేర్కొన్నారు. తెలంగాణ నేల, ఇక్కడి ప్రజల త్యాగాలు తనకు ఎప్పటికీ స్ఫూర్తినిస్తాయని చెప్పారు. ప్రజల సమస్యలను వినడం రాజకీయాల్లో అత్యంత ముఖ్యమని, అందుకోసం తెలంగాణలో కూడా ‘జనవాణి’ కార్యక్రమాన్ని ప్రారంభించేలా ప్రణాళిక సిద్ధం చేయాలని పార్టీ నాయకులకు సూచించారు. ప్రజలు తమ సమస్యలను చెప్పుకునేందుకు వచ్చే ప్రతి ఒక్కరినీ గౌరవించాలని, వారి సమస్యలను శ్రద్ధగా విని పరిష్కారానికి కృషి చేయాలని అన్నారు. అవసరమైతే ప్రజా ఉద్యమాల ద్వారా కూడా సమస్యలను ప్రభుత్వ దృష్టిక...

హైదరాబాద్ : మూసీ నది పునరుజ్జీవన కార్యక్రమంలో భాగంగా హైదరాబాద్ నగరంలోని బాపూ ఘాట్ వద్ద తెలంగాణ ప్రభుత్వం ప్రతిష్టాత్మకంగా చేపట్టనున్న గాంధీ సరోవర్ ప్రాజెక్టు పనులకు అనుమతి లభించింది. ఈ సందర్భంగా కేంద్ర రక్షణ శాఖ మంత్రి రాజ్‌నాథ్ సింగ్‌కు, భారత సైన్యానికి ముఖ్యమంత్రి ఎ. రేవంత్ రెడ్డి కృతజ్ఞతలు తెలిపారు. గాంధీ సరోవర్ ప్రాజెక్టుకు అనుమతి లభించడం తెలంగాణ ప్రభుత్వ అభివృద్ధి దిశగా నిర్దేశించుకున్న లక్ష్యాల సాధనలో కీలక మైలురాయిగా నిలుస్తుందని ముఖ్యమంత్రి పేర్కొన్నారు. మూసీ నది సమగ్ర పునరుద్ధరణ, నది తీర ప్రాంతాల అభివృద్ధి, ప్రజల జీవన ప్రమాణాల మెరుగుదల కోసం ప్రభుత్వం చేపడుతున్న చర్యలకు ఈ నిర్ణయం మరింత బలాన్ని చేకూరుస్తుందని తెలిపారు. ఈ ప్రాజెక్టు అమలుతో మూసీ నది పరివాహక ప్రాంతం పర్యావరణపరంగా పునరుజ్జీవం పొందడంతో పాటు ప్రజలకు ఆహ్లాదకరమైన ప్రజా ప్రదేశాలు, సాంస్కృతిక కేంద్రాలు, పర్యాటక ఆకర్షణలు అందుబాటులోకి వస్తాయని సీఎం వివరించారు. తెలంగాణ రాష్ట్ర అభివృద్ధి కార్యక్రమాలకు కేంద్ర రక్షణ మంత్రిత్వ శాఖ, భారత సైన్యం అందిస్తున్న సహకారం పట్ల రాష్ట్ర ప్రభుత్వం తరఫున ముఖ్యమంత్రి ప్రత్యేక ధన్యవాదాలు తెలి...

తెలంగాణ రాష్ట్ర భవిష్యత్ అవసరాలను దృష్టిలో ఉంచుకుని ప్రతిష్టాత్మకంగా చేపట్టిన మూసీ నది తీర అభివృద్ధి, భారత్ భవిష్యత్ నగర నిర్మాణ పనులను ఎట్టి పరిస్థితుల్లోనూ పూర్తి చేస్తామని తెలంగాణ ముఖ్యమంత్రి తెలిపారు. దేశంలోని ప్రధాన నగరాలు ఎదుర్కొంటున్న కాలుష్యం, వరదల సమస్యలు హైదరాబాద్‌కు రాకుండా ముందస్తు చర్యలతో ప్రభుత్వం ముందుకు సాగుతోందని పేర్కొన్నారు. ఎల్‌బీ నగర్ నియోజకవర్గ పరిధిలోని గుర్రంగూడ ప్రకృతి ఉద్యానవనం వద్ద నిర్వహించిన వనమహోత్సవం–2026 కార్యక్రమాన్ని ముఖ్యమంత్రి మొక్క నాటి ప్రారంభించారు. అక్కడ ఏర్పాటు చేసిన చిత్ర ప్రదర్శనను పరిశీలించారు. ఈ సందర్భంగా రాష్ట్రంలోని పలు జిల్లాల్లో వనాల పెంపు, అడవి జంతువుల సంరక్షణ, ప్రకృతి పరిరక్షణకు సంబంధించిన రూ.35.50 కోట్ల విలువైన అభివృద్ధి పనులను ప్రారంభించారు. ఇందులో గుర్రంగూడ రక్షిత అటవీ ప్రాంతంలో రూ.17.84 కోట్ల పనులకు శ్రీకారం చుట్టగా, ఇతర జిల్లాల్లో రూ.17.66 కోట్లతో నగర ఉద్యానవనాలు, ప్రకృతి ఉద్యానవనాలు, జంతు ప్రదర్శనశాల ఆధునీకరణ, పర్యావరణ మౌలిక సదుపాయాల అభివృద్ధి కార్యక్రమాలను దూర ప్రసార విధానంలో ప్రారంభించారు. సభలో మాట్లాడుతూ ముఖ్యమంత్రి, “ఎవరేమనుక...

రంగారెడ్డి జిల్లా మంచాల మండలం ఆరుట్ల గ్రామంలో ప్రపంచ స్థాయి ప్రమాణాలు, అత్యాధునిక సౌకర్యాలతో నిర్మించిన తెలంగాణ పబ్లిక్ స్కూల్‌ను ముఖ్యమంత్రి ఎ. రేవంత్ రెడ్డి ప్రారంభించారు. ఈ సందర్భంగా విద్యార్థులకు అందించే ఉదయం బ్రేక్‌ఫాస్ట్ పథకాన్ని కూడా ప్రారంభించారు. ఈ సందర్భంగా నిర్వహించిన సభలో ముఖ్యమంత్రి మాట్లాడుతూ, ప్రభుత్వ పాఠశాలలంటే అనాధలు లేదా ఆర్థికంగా వెనుకబడినవారి కోసం అన్న భావనను పూర్తిగా మార్చాల్సిన అవసరం ఉందన్నారు. ప్రభుత్వ పాఠశాలల్లో చదివితేనే డాక్టర్లు, లాయర్లు, ఇంజినీర్లు, ఐఏఎస్‌, ఐపీఎస్‌లుగా ఎదగగలరనే ఆత్మవిశ్వాసాన్ని సమాజంలో పెంపొందించాలని పేర్కొన్నారు. ఆరుట్ల పబ్లిక్ స్కూల్ తెలంగాణలోని ప్రభుత్వ పాఠశాలల్లో చదువుతున్న సుమారు 27 లక్షల మంది విద్యార్థులకు స్ఫూర్తిగా నిలుస్తుందని తెలిపారు. ఈ పాఠశాలను తెలంగాణ విద్యా సంస్కరణలకు రోల్ మోడల్‌గా తీర్చిదిద్దామని చెప్పారు. “అభివృద్ధి అంటే కేవలం అద్దాల మేడలు కాదు.. తెలంగాణ భవిష్యత్తు తరగతి గదుల్లో ఉంది. విద్యపై చేసే ఖర్చు భవిష్యత్తుపై పెట్టుబడి” అని సీఎం పేర్కొన్నారు. రాష్ట్ర బడ్జెట్‌లో దాదాపు రూ.26 వేల కోట్లను విద్యాశాఖ కోసం ఖర్చు చేస్తున్నామన...

రంగారెడ్డి జిల్లా మంచాల మండలం ఆరుట్లలో అత్యంత ప్రతిష్టాత్మకంగా నిర్మించిన తెలంగాణ పబ్లిక్ స్కూల్‌ను ముఖ్యమంత్రి రేవంత్ రెడ్డి ప్రారంభించారు. రాష్ట్రంలోని ప్రభుత్వ పాఠశాలల్లో చదువుతున్న సుమారు 27 లక్షల మంది విద్యార్థి యువతకు ఈ ప్రారంభోత్సవాన్ని అంకితం చేశారు. పాఠశాల ప్రారంభం అనంతరం సీఎం మొత్తం ఆవరణను సందర్శించి అక్కడి సౌకర్యాలను పరిశీలించారు. ఇదే సందర్భంగా ప్రభుత్వ పాఠశాలల్లో అమలు చేస్తున్న ఉదయం బ్రేక్‌ఫాస్ట్ పథకాన్ని ప్రారంభించారు. అనంతరం విద్యార్థులతో కలిసి అల్పాహారం చేశారు. అత్యాధునిక వసతులతో రూపొందించిన తరగతి గదులు, లైబ్రరీ, ఫిజిక్స్‌, బాటనీ, కెమిస్ట్రీ ప్రయోగశాలలను పరిశీలించారు. సైన్స్ ల్యాబ్‌లో ఏర్పాటు చేసిన పరికరాలను పరిశీలించడంతో పాటు విద్యార్థుల రవాణా కోసం అందుబాటులో ఉంచిన బస్సులను కూడా సందర్శించారు. నృత్యం, సంగీతం బోధన గదులు, డిజిటల్ క్లాస్‌రూమ్స్‌, వంటశాలను పరిశీలించిన సీఎం వంట సిబ్బందితో మాట్లాడి పూరీ తయారీలో కూడా భాగస్వామ్యం అయ్యారు. విద్యార్థులతో ముచ్చటిస్తూ వారి అభిప్రాయాలు తెలుసుకున్నారు. ఉపాధ్యాయుల కార్యాలయం సందర్శించి పాఠశాల నిర్వహణ కమిటీ సభ్యులు, ఉపాధ్యాయులతో చర్చించా...

 హనుమకొండకు చెందిన తీవ్ర అనారోగ్యంతో బాధపడుతున్న బాలుడు నిరంజన్ కోరికను ఏపీ ఉప ముఖ్యమంత్రి పవన్ కళ్యాణ్ నెరవేర్చారు. తన అభిమాన హీరో పవన్ కళ్యాణ్‌ను ఒక్కసారి కలవాలని బాలుడు కోరుకున్నట్లు తెలిసింది. ఈ విషయం తెలుసుకున్న పవన్ కళ్యాణ్ హనుమకొండకు చేరుకుని బాలుడిని కలిసి పరామర్శించారు. కుటుంబ సభ్యులతో మాట్లాడి బాలుడికి ధైర్యం చెప్పారు. ఈ ఘటన స్థానికంగా భావోద్వేగ వాతావరణాన్ని తీసుకొచ్చింది. మానవత్వంతో స్పందించి బాలుడి కోరిక తీర్చడంపై అభిమానులు, స్థానికులు స్పందిస్తున్నారు. అనంతరం పవన్ కళ్యాణ్ ఇతర కార్యక్రమాల్లో కూడా పాల్గొన్నట్లు సమాచారం.

 -- ఆధునిక వసతులతో ప్రభుత్వ విద్యకు కొత్త దిశ – రాష్ట్రవ్యాప్తంగా 100 టీపీఎస్‌ల లక్ష్యం.. హైదరాబాద్: రాష్ట్రంలో ప్రభుత్వ విద్యను సరికొత్త దిశలో నడిపించాలనే లక్ష్యంతో ప్రజా ప్రభుత్వం తెలంగాణ పబ్లిక్ స్కూల్స్ (TPS) కార్యక్రమానికి శ్రీకారం చుట్టింది. ముఖ్యమంత్రి ఎ. రేవంత్ రెడ్డి బుధవారం రంగారెడ్డి జిల్లా ఆరుట్లలో తెలంగాణ పబ్లిక్ స్కూల్‌ను ప్రారంభించనున్నారు. ఉదయం 9:30 గంటలకు పాఠశాల ప్రాంగణానికి చేరుకునే ముఖ్యమంత్రి, టీపీఎస్ పైలాన్‌ను ఆవిష్కరించనున్నారు. అనంతరం పాఠశాలలో ఏర్పాటు చేసిన డిజిటల్ క్లాస్‌రూమ్స్, లైబ్రరీ, సైన్స్ ల్యాబ్స్, డైనింగ్ హాల్, క్రీడా మైదానాలను పరిశీలించనున్నారు. విద్యార్థులు, ఉపాధ్యాయులు, స్కూల్ కమిటీ సభ్యులతో సమావేశమై వారి అభిప్రాయాలు తెలుసుకోనున్నారు. ప్రభుత్వ విద్యను కార్పొరేట్ విద్యాసంస్థలకు దీటుగా తీర్చిదిద్దాలనే లక్ష్యంతో తెలంగాణ విద్యా కమిషన్ సూచనల మేరకు ఈ ప్రాజెక్ట్‌ను రూపొందించారు. విద్యా కమిషన్ చైర్మన్ డాక్టర్ ఆకునూరి మురళి ఆధ్వర్యంలో ఈ నమూనా పాఠశాల రూపుదిద్దుకుంది. టీపీఎస్‌లో నర్సరీ నుంచి ఇంటర్మీడియట్ వరకు ఇంగ్లీష్ మీడియంలో విద్య అందించనున్నారు. నాణ్యమైన ...

వ్యవసాయ రంగంలో విత్తనాల సరఫరా నుంచి పండించిన పంటల కొనుగోళ్ల వరకు సమగ్ర ప్రణాళికతో నిర్దిష్ట కార్యాచరణ అమలు చేయాలని అధికారులను ఆదేశించారు. రైతులు పంట వేసినప్పటి నుంచే వారి వివరాలు, పంటల రికార్డులు, దిగుబడి అంచనాలు, ధాన్యం కొనుగోళ్ల వరకు ప్రతి దశపై వ్యవసాయ శాఖకు పూర్తి సమాచారం ఉండాలని స్పష్టం చేశారు. వర్షాకాలం, ఖరీఫ్ సీజన్‌కు సంబంధించిన చర్యలపై సమీక్ష సమావేశంలో రైతు కమిషన్‌, వ్యవసాయ నిపుణులు, విశ్వవిద్యాలయాల సూచనలను చర్చించారు. రైతులు ఇబ్బంది పడకుండా వచ్చే సీజన్ నుంచే కొనుగోళ్లు సాఫీగా నిర్వహించేందుకు ఉన్నతాధికారుల కమిటీ ఏర్పాటు చేయాలని నిర్ణయించారు. వ్యవసాయ శాఖ కార్యదర్శి ఆధ్వర్యంలో పనిచేసే ఈ కమిటీ పంటల నమోదు, దిగుబడి అంచనాలు, ధాన్యం కొనుగోళ్లు, క్షేత్రస్థాయి పర్యవేక్షణతో పాటు ఆధునిక సాంకేతిక పరిజ్ఞానం వినియోగంపై దృష్టి పెట్టనుంది. సన్న వడ్లు సాగు చేసే రైతులకు బోనస్ అందిస్తున్న నేపథ్యంలో 7 రకాల సన్న వడ్ల విత్తనాలను సబ్సిడీపై రైతులకు అందుబాటులో ఉంచాలని సీఎం సూచించారు. రైతు వేదికలను రైతులకు సేవల కేంద్రాలుగా అభివృద్ధి చేసి అక్కడే విత్తనాలు, ఎరువులు అందించేలా చర్యలు తీసుకోవాలని చెప్పారు. అల...

హైదరాబాద్ : వేసవి సెలవుల అనంతరం పాఠశాలలు తిరిగి ప్రారంభమైన సందర్భంగా తెలంగాణ ముఖ్యమంత్రి ఎ. రేవంత్ రెడ్డి విద్యార్థినీ విద్యార్థులకు హృదయపూర్వక శుభాకాంక్షలు తెలిపారు. ఈ సందర్భంగా ఉపాధ్యాయులకు కూడా అభినందనలు తెలియజేశారు. ముఖ్యమంత్రి విడుదల చేసిన సందేశంలో పాఠశాల అనేది కేవలం చదువు నేర్చుకునే స్థలం మాత్రమే కాకుండా వ్యక్తిత్వాన్ని, దేశ భవిష్యత్తును తీర్చిదిద్దే ఆలయం అని పేర్కొన్నారు. ప్రతి పుస్తకం ఒక కొత్త ప్రపంచానికి తలుపు వంటిదని, ప్రతి పాఠం ఒక కొత్త అవకాశానికి మార్గమని అన్నారు. విద్యార్థులు ప్రతి రోజును ఉత్సాహంగా ప్రారంభించి, గురువుల మార్గదర్శకత్వంలో జ్ఞానాన్ని సంపాదించాలని సూచించారు. కష్టపడి చదవడం, మంచి విలువలను అలవర్చుకోవడం ద్వారా తమ కలలను సాకారం చేసుకోవాలని పిలుపునిచ్చారు. విద్యారంగ అభివృద్ధి కోసం ప్రభుత్వం అనేక సంస్కరణలు చేపట్టిందని, విద్యార్థులకు ఉదయం అల్పాహారం, మధ్యాహ్న భోజనం వంటి పోషకాహార కార్యక్రమాలను అమలు చేస్తున్నట్లు తెలిపారు. “నేటి విద్యార్థులే రేపటి భారతదేశ నిర్మాతలు. విద్యే గొప్ప సంపద – దానిని ఎవరూ దోచుకోలేరు” అని ముఖ్యమంత్రి పేర్కొన్నారు. సోర్స్:  తెలంగాణ ముఖ్యమం...