హైదరాబాద్ DRDOలో 18 జూనియర్ రీసెర్చ్ ఫెలో పోస్టులు..

-

హైదరాబాద్: హైదరాబాద్‌లోని డిఫెన్స్ మెటలర్జికల్ రీసెర్చ్ లాబొరేటరీ (DMRL)లో జూనియర్ రీసెర్చ్ ఫెలో (JRF) పోస్టుల భర్తీకి DRDO నోటిఫికేషన్ విడుదల చేసింది. అర్హత కలిగిన అభ్యర్థులు ఈ అవకాశాన్ని వినియోగించుకోవచ్చు. మొత్తం 18 పోస్టులను భర్తీ చేయనున్నారు.

పోస్టుల వివరాలు :

నోటిఫికేషన్ ప్రకారం మెటలర్జికల్ ఇంజినీరింగ్/మెటీరియల్స్ సైన్స్ విభాగంలో 7, మెకానికల్ ఇంజినీరింగ్‌లో 7, కెమికల్ ఇంజినీరింగ్‌లో 2, ఫిజిక్స్‌లో 2 పోస్టులు ఉన్నాయి.

దరఖాస్తు విధానం :

మెటలర్జికల్ ఇంజినీరింగ్/మెటీరియల్స్ సైన్స్, మెకానికల్ ఇంజినీరింగ్, కెమికల్ ఇంజినీరింగ్ విభాగాలకు సంబంధిత ఇంజినీరింగ్‌లో ఫస్ట్ క్లాస్ BE/B.Techతో పాటు చెల్లుబాటు అయ్యే GATE స్కోర్ ఉన్నవారు అర్హులు. సంబంధిత విభాగంలో ME/M.Tech చేసిన అభ్యర్థులు కూడా నోటిఫికేషన్‌లో పేర్కొన్న నిబంధనలకు అనుగుణంగా దరఖాస్తు చేసుకోవచ్చు.

ఫిజిక్స్ పోస్టులకు ఫిజిక్స్‌లో ఫస్ట్ డివిజన్‌తో M.Sc పూర్తి చేసి, చెల్లుబాటు అయ్యే NET అర్హత కలిగిన అభ్యర్థులు దరఖాస్తు చేసుకోవచ్చు.

వయోపరిమితి :

అభ్యర్థుల వయస్సు 28 సంవత్సరాలకు మించకూడదు. నిబంధనల ప్రకారం SC, ST, OBC తదితర రిజర్వేషన్ కేటగిరీలకు వయోపరిమితిలో సడలింపు వర్తిస్తుంది.

దరఖాస్తుకు చివరి తేదీ :

JRF పోస్టులకు దరఖాస్తు ప్రక్రియ 2026 అక్టోబర్ 6న ప్రారంభమైంది. అర్హత కలిగిన అభ్యర్థులు అక్టోబర్ 27, 2026లోపు దరఖాస్తు చేసుకోవాలి.

ఎంపిక విధానం :

అభ్యర్థుల దరఖాస్తులను పరిశీలించిన అనంతరం అర్హులైన వారిని షార్ట్‌లిస్ట్ చేస్తారు. అనంతరం ఇంటర్వ్యూ నిర్వహించి, ఎంపికైన అభ్యర్థుల ధ్రువపత్రాలను పరిశీలిస్తారు.

ముఖ్య గమనిక: ఈ పోస్టులకు విభాగాల వారీగా విద్యార్హతలు, GATE/NET అర్హత, వయోపరిమితి తదితర నిబంధనలు వర్తిస్తాయి. దరఖాస్తు చేసుకునే ముందు DRDO–DMRL అధికారిక నోటిఫికేషన్‌లోని పూర్తి నిబంధనలను పరిశీలించడం మంచిది.

మూలం: DRDO – DMRL అధికారిక నోటిఫికేషన్
WhatsApp Share

మరిన్ని వార్తలు...

గుండ్లసింగారం చైతన్య కాలనీలో ఘనంగా పెత్రమాస బతుకమ్మ వేడుకలు

-
హనుమకొండ : రెండో డివిజన్ పరిధిలోని గుండ్లసింగారం శ్రీ వెంకటేశ్వర చైతన్య కాలనీలో ఎంగిలిపూల (మొదటి రోజు) బతుకమ్మ పండుగ వేడుకలను స్థానికులు ఘనంగా నిర్వహించారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ సందర్భంగా కాలనీలో సందడి వాతావరణం నెలకొంది. ఈ సందర్భంగా మహిళలు రంగురంగుల పూలతో బతుకమ్మలను అందంగా పేర్చి, వాటి మధ్య గౌరమ్మను ప్రతిష్ఠించి భక్తిశ్రద్ధలతో పూజలు నిర్వహించారు. గౌరమ్మకు ప్రత్యేక పూజలు చేసి, బతుకమ్మకు నమస్కరించి తమ కుటుంబాలు సుఖసంతోషాలతో ఉండాలని కోరుకున్నారు. అనంతరం బతుకమ్మల చుట్టూ చేరి సంప్రదాయ పాటలు పాడుతూ, చప్పట్లు కొడుతూ.. కోలాటాపాటలతో ఉత్సాహంగా వేడుకల్లో పాల్గొన్నారు. తెలంగాణ ఆడపడుచుల ఆత్మీయతకు, ప్రకృతి ఆరాధనకు ప్రతీకగా నిలిచే ఈ పండుగను స్థానికులు కలిసికట్టుగా జరుపుకున్నారు. బతుకమ్మ వేడుకలు తెలంగాణ సంస్కృతి, సంప్రదాయాలను ప్రతిబింబిస్తూ అందరిలో ఆనందోత్సాహాలను నింపాయి.
Read more »

వివాహిత కుమార్తెకు తండ్రి భూమిపై వారసత్వ హక్కు

-
చిత్రం
షిమ్లా: కుమార్తెకు వివాహం జరిగిందనే కారణంతో తండ్రి నుంచి సంక్రమించే ఆస్తిపై ఆమె హక్కును నిరాకరించలేమని హిమాచల్‌ప్రదేశ్ హైకోర్టు స్పష్టం చేసింది. చట్టంలో స్పష్టమైన నిషేధం లేనప్పుడు కేవలం వివాహిత అనే కారణంతో వారసత్వ హక్కును తిరస్కరించడం సరికాదని పేర్కొంది. షిమ్లా జిల్లా చోపాల్‌ తహసీల్‌కు చెందిన సుమారు 3 బిగ్హాలు 2 బిస్వాల వ్యవసాయ భూమి ఈ కేసుకు కేంద్రంగా ఉంది. 1972లో నౌటర్‌ ల్యాండ్‌ రూల్స్‌ కింద మినా రామ్‌కు ఈ భూమిని ప్రభుత్వం మంజూరు చేసింది. అయితే భూమికి సంబంధించిన పట్టా సిద్ధమైనప్పటికీ అధికారుల సంతకం పూర్తికాకపోవడంతో అధికారిక హక్కు పత్రం జారీ కాలేదు. మినా రామ్ 1990లో మరణించిన తర్వాత ఆయన భార్య సెవతి దేవి పట్టా కోసం దరఖాస్తు చేశారు. ఆమె మరణించిన తర్వాత 2012లో వారి ఏకైక కుమార్తె భూమిపై హక్కు కోరారు. తాను తల్లిదండ్రుల Class-I చట్టబద్ధ వారసురాలినని పేర్కొంటూ 2023లో అధికారులను సంప్రదించారు. అయితే 1980లో ప్రభుత్వం జారీ చేసిన పరిపాలనా ఉత్తర్వును ఆధారంగా చేసుకుని అధికారులు ఆమె అభ్యర్థనను తిరస్కరించారు. వివాహిత కుమార్తెకు నౌటర్‌ భూమిని మంజూరు చేయలేమన్న కారణాన్ని చూపించారు. ఈ నిర్ణయాన్ని సవాలు చేస...
Read more »

స్టార్‌లింక్‌ వివాదంపై కేంద్రం స్పందన.. ‘గుత్తాధిపత్యానికి భారత్‌లో చోటు లేదు’...

-
న్యూఢిల్లీ: భారత్‌లో స్టార్‌లింక్‌ శాటిలైట్‌ ఇంటర్నెట్‌ సేవల ప్రారంభంపై నెలకొన్న వివాదంలో కేంద్ర ప్రభుత్వం స్పందించింది. దేశంలో ఏ రంగంలోనూ గుత్తాధిపత్యాన్ని అనుమతించబోమని కేంద్ర టెలికాం మంత్రి జ్యోతిరాదిత్య సింధియా స్పష్టం చేశారు. వ్యాపారవేత్త ముఖేశ్‌ అంబానీ రాజకీయ పలుకుబడితో స్టార్‌లింక్‌ ప్రవేశాన్ని అడ్డుకుంటున్నారన్న ఎలాన్‌ మస్క్‌ వ్యాఖ్యల నేపథ్యంలో ఈ ప్రకటన వెలువడింది. అంబానీపై మస్క్‌ వ్యాఖ్యలు ఎలాన్‌ మస్క్‌కు చెందిన స్పేస్‌ఎక్స్‌ సంస్థ నిర్వహిస్తున్న స్టార్‌లింక్‌ భారత మార్కెట్‌లోకి ప్రవేశించేందుకు ప్రయత్నిస్తోంది. అయితే, సేవల వాణిజ్య ప్రారంభానికి అవసరమైన కొన్ని అనుమతులు ఇంకా పూర్తికాలేదు. ఈ నేపథ్యంలో భారత మార్కెట్‌లోని శక్తిమంతమైన వ్యాపారవర్గాలు స్టార్‌లింక్‌ ప్రవేశాన్ని అడ్డుకుంటున్నాయని మస్క్‌ ఆరోపించారు. గురువారం సామాజిక మాధ్యమం ఎక్స్‌లో ముఖేశ్‌ అంబానీని ప్రస్తావిస్తూ ఆయన చేసిన వ్యాఖ్యలు చర్చకు దారితీశాయి. అయితే, తన ఆరోపణలకు మస్క్‌ ఎలాంటి ఆధారాలను వెల్లడించలేదు. అనుమతుల ప్రక్రియపై కేంద్రం వివరణ భారత టెలికాం మార్కెట్‌లో రిలయన్స్‌ జియో, భారతీ ఎయిర్‌టెల్‌ ప్రధాన సంస్థలుగా ఉన్నాయి...
Read more »