తెలంగాణలో పాఠశాలలకు 13 రోజుల దసరా సెలవులు...

-
హైదరాబాద్: తెలంగాణలోని పాఠశాలలకు దసరా పండుగ సందర్భంగా 13 రోజుల సెలవులు రానున్నాయి. రాష్ట్రంలోని అన్ని యాజమాన్యాల పరిధిలోని పాఠశాలలకు అక్టోబర్ 10 నుంచి 22వ తేదీ వరకు దసరా సెలవులు కొనసాగనున్నాయి. అక్టోబర్ 23న పాఠశాలలు తిరిగి ప్రారంభం కానున్నాయి.

సమ్మేటివ్ అసెస్‌మెంట్–1 పరీక్షలు అక్టోబర్ 1 నుంచి 9వ తేదీ వరకు నిర్వహించనున్న నేపథ్యంలో ఆ పరీక్షలు పూర్తైన తర్వాత విద్యార్థులకు దసరా సెలవులు ప్రారంభం కానున్నాయి. 9వ తేదీన 9వ తరగతి ఇంగ్లిష్ పరీక్ష సమయాన్ని కూడా విద్యాశాఖ సవరించింది. ఆ పరీక్ష ఉదయం 9.15 గంటల నుంచి మధ్యాహ్నం 12.15 గంటల వరకు జరగనుంది.

జూనియర్ కాలేజీలకు వేర్వేరు తేదీలు

ఇంటర్మీడియట్ విద్యార్థులకు కూడా అక్టోబర్ 10 నుంచి దసరా సెలవులు ప్రారంభం కానున్నాయి. అయితే జూనియర్ కాలేజీలు అక్టోబర్ 21 వరకు సెలవులు ఇవ్వనుండగా, అక్టోబర్ 22న తరగతులు తిరిగి ప్రారంభం కానున్నాయి. అంతకుముందు అక్టోబర్ 3 నుంచి 9వ తేదీ వరకు అర్ధవార్షిక పరీక్షలు నిర్వహించనున్నారు.

దసరా సెలవులతో విద్యార్థులు పండుగను కుటుంబ సభ్యులతో కలిసి ఆనందంగా జరుపుకునే అవకాశం లభించనుంది.
WhatsApp Share

మరిన్ని వార్తలు...

గుండ్లసింగారం చైతన్య కాలనీలో ఘనంగా పెత్రమాస బతుకమ్మ వేడుకలు

-
హనుమకొండ : రెండో డివిజన్ పరిధిలోని గుండ్లసింగారం శ్రీ వెంకటేశ్వర చైతన్య కాలనీలో ఎంగిలిపూల (మొదటి రోజు) బతుకమ్మ పండుగ వేడుకలను స్థానికులు ఘనంగా నిర్వహించారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగ సందర్భంగా కాలనీలో సందడి వాతావరణం నెలకొంది. ఈ సందర్భంగా మహిళలు రంగురంగుల పూలతో బతుకమ్మలను అందంగా పేర్చి, వాటి మధ్య గౌరమ్మను ప్రతిష్ఠించి భక్తిశ్రద్ధలతో పూజలు నిర్వహించారు. గౌరమ్మకు ప్రత్యేక పూజలు చేసి, బతుకమ్మకు నమస్కరించి తమ కుటుంబాలు సుఖసంతోషాలతో ఉండాలని కోరుకున్నారు. అనంతరం బతుకమ్మల చుట్టూ చేరి సంప్రదాయ పాటలు పాడుతూ, చప్పట్లు కొడుతూ.. కోలాటాపాటలతో ఉత్సాహంగా వేడుకల్లో పాల్గొన్నారు. తెలంగాణ ఆడపడుచుల ఆత్మీయతకు, ప్రకృతి ఆరాధనకు ప్రతీకగా నిలిచే ఈ పండుగను స్థానికులు కలిసికట్టుగా జరుపుకున్నారు. బతుకమ్మ వేడుకలు తెలంగాణ సంస్కృతి, సంప్రదాయాలను ప్రతిబింబిస్తూ అందరిలో ఆనందోత్సాహాలను నింపాయి.
Read more »

ఢిల్లీలో నిరసనకారులపై చర్యలు దుర్మార్గం: మాస్ లైన్ నాయకులు

-
చిత్రం
నర్సంపేట: ఢిల్లీలో నిరసన తెలుపుతున్న వారిపై లాఠీచార్జి చేయడాన్ని సీపీఐ(ఎంఎల్) మాస్ లైన్  నర్సంపేట  కార్యదర్శి అడ్డూరి రాజు, అఖిల భారత ఐక్య రైతు సంఘం జిల్లా నాయకుడు కోడి సోమన్న ఖండించారు. ఈ ఘటనకు నిరసనగా  నర్సంపేట  మాస్ లైన్ ఆధ్వర్యంలో రోడ్డుపై నిరసన చేపట్టారు. ఈ సందర్భంగా నాయకులు మాట్లాడుతూ.. ఎన్నికల ప్రధాన కమిషనర్ జ్ఞానేశ్ కుమార్ అక్రమ పద్ధతుల్లో 13 కోట్ల మంది భారతీయుల ఓట్లను తొలగించారని ఆరోపించారు. ఆయన రాజీనామా చేయాలని డిమాండ్ చేశారు. రాజ్యాంగం కల్పించిన హక్కులను కేంద్ర ప్రభుత్వం కాలరాస్తోందని, విద్యార్థులు, యువకులు, మేధావులు, సుప్రీంకోర్టు న్యాయవాదులను అరెస్టు చేయడం అన్యాయమని పేర్కొన్నారు. ఢిల్లీలో కేంద్ర బలగాలను మోహరించడం ప్రజాస్వామ్యానికి చీకటి రోజని వారు వ్యాఖ్యానించారు. తొలగించిన ఓట్లను పునరుద్ధరించాలని, ఢిల్లీలో విధించిన ఆంక్షలను తొలగించాలని, రద్దు చేసిన రైళ్లను పునరుద్ధరించాలని డిమాండ్ చేశారు. దేశంలోని వివిధ ప్రాంతాల్లో అరెస్టు చేసినట్లు చెబుతున్న సుమారు 50 వేల మందిని బేషరతుగా విడుదల చేయాలని కోరారు. శాంతియుత నిరసనలను అణచివేసేందుకు ప్రయత్నిస్తే ప్రజా ఆగ్ర...
Read more »

వివాహిత కుమార్తెకు తండ్రి భూమిపై వారసత్వ హక్కు

-
చిత్రం
షిమ్లా: కుమార్తెకు వివాహం జరిగిందనే కారణంతో తండ్రి నుంచి సంక్రమించే ఆస్తిపై ఆమె హక్కును నిరాకరించలేమని హిమాచల్‌ప్రదేశ్ హైకోర్టు స్పష్టం చేసింది. చట్టంలో స్పష్టమైన నిషేధం లేనప్పుడు కేవలం వివాహిత అనే కారణంతో వారసత్వ హక్కును తిరస్కరించడం సరికాదని పేర్కొంది. షిమ్లా జిల్లా చోపాల్‌ తహసీల్‌కు చెందిన సుమారు 3 బిగ్హాలు 2 బిస్వాల వ్యవసాయ భూమి ఈ కేసుకు కేంద్రంగా ఉంది. 1972లో నౌటర్‌ ల్యాండ్‌ రూల్స్‌ కింద మినా రామ్‌కు ఈ భూమిని ప్రభుత్వం మంజూరు చేసింది. అయితే భూమికి సంబంధించిన పట్టా సిద్ధమైనప్పటికీ అధికారుల సంతకం పూర్తికాకపోవడంతో అధికారిక హక్కు పత్రం జారీ కాలేదు. మినా రామ్ 1990లో మరణించిన తర్వాత ఆయన భార్య సెవతి దేవి పట్టా కోసం దరఖాస్తు చేశారు. ఆమె మరణించిన తర్వాత 2012లో వారి ఏకైక కుమార్తె భూమిపై హక్కు కోరారు. తాను తల్లిదండ్రుల Class-I చట్టబద్ధ వారసురాలినని పేర్కొంటూ 2023లో అధికారులను సంప్రదించారు. అయితే 1980లో ప్రభుత్వం జారీ చేసిన పరిపాలనా ఉత్తర్వును ఆధారంగా చేసుకుని అధికారులు ఆమె అభ్యర్థనను తిరస్కరించారు. వివాహిత కుమార్తెకు నౌటర్‌ భూమిని మంజూరు చేయలేమన్న కారణాన్ని చూపించారు. ఈ నిర్ణయాన్ని సవాలు చేస...
Read more »